Росеньёр нега истеъфога чиқарилгани маълум бўлди — манба
Журналист ва инсайдер Бен Жейкобс «Челси» бош мураббийи Лиам Росеньёрнинг истеъфоси юзасидан ўз фикрлари билан бўлишди.
«Челси» раҳбарияти еврокубокларга йўлланма олиш ва Англия кубогида ғолиб чиқиш учун бу ягона чора деган қарорга келган. Манбаларнинг хабар беришича, бир қатор етакчи футболчилар мураббийга бўлган ишончини йўқотган. Клуб янги мураббий излаш жараёнини ўта синчковлик билан ўтказиши кутилмоқда, чунки шу ёзда бозорда бир неча юқори малакадаги эркин агент мураббийлар пайдо бўлиши «аристократлар»га маълум.
Ҳозирда асосий эътибор барқарорликни таъминлаш ва мавсумни кучли якунлаш учун энг яхши шароитларни яратишга қаратилган. Футболчилар ва ходимлар бу қарор ҳақида расмий эълондан аввал хабардор қилинган.
Қарор клуб раҳбарияти томонидан қабул қилинди. Манбаларга кўра, наfaqat Росеньёрнинг тайинловида, балки бутун мавсум давомида йўл қўйилган айрим хатолар тан олинган ва янги мураббий билан шартнома имзолашдан олдин керакли хулосалар чиқарилган», — деб ёзди Жейкобс ўзининг Х ижтимоий тармоғидаги саҳифасида.
Эслатиб ўтамиз, 22 апрель куни «Челси» Лиам Росеньёрни истеъфога чиқарганини расман эълон қилди. Англиялик мутахассис жорий йилнинг январ ойида «Страсбург»дан Лондон клубига ўтган эди. Томонлар ўртасидаги келишув 2032 йилга қадар мўлжалланган эди.
