Роналдунинг трансфер нархи пасайди
У чемпионатда 28 та гол уриб, “Ал-Наср”нинг энг яхши тўпурарига айланди.
ФОТО: Getty images
Саудия Арабистонининг “Ал-Наср” клуби сафида тўп сураётган португалиялик юлдуз футболчи Криштиану Роналдунинг трансфер қиймати 12 миллион евроидан 10 миллион евроига тушди.
Transfermarkt маълумотларига кўра, португалиялик юлдузнинг қиймати илк бор 2004 йилда 10 миллион евроидан ошган ва ҳозирга келиб, фаолиятининг сўнгида яна шу нархга тушиб қолди.
Роналдунинг энг юқори трансфер қиймати 2014 ва 2018 йилларда қайд этилган бўлиб, ўшанда у 120 миллион евроига баҳоланган.
41 ёшли ҳужумчи 2025-2026 йилги мавсумда ҳам юқори самарадорлик намоён этди. У чемпионатда 28 та гол уриб, “Ал-Наср”нинг энг яхши тўпурарига айланди.
Шу тариқа, Роналду фаолиятида илк бор Саудия Арабистони чемпионати ғолиби бўлди.