Роналдунинг бойкоти фонида «Ан Наср» футболчилари ва мураббийига интервью бериш тақиқланди
Саудия матбуотининг хабар беришича, «Ан Наср» раҳбарияти Саудия Про-лигаси доирасидаги «Ар Рияд»га қарши баҳсдан (1:0) олдин ва кейin жамоа аъзоларига флеш-интервью ҳудудида кўриниш беришни тақиқлаб қўйди. Бу ҳақда A Bola нашри маълум қилмоқда.
Жамоа бош мураббийи Жорже Жезус ҳам, футболчилар ҳам ўйин олди ва ўйиндан кейинки анъанавий медиа-мажбуриятларни бажаришмади. Португалиялик мутахассис на ўйин олди флеш-интервьюсида ва на учрашувдан кейинги матбуот анжуманида иштирок этди.
Хабарларга кўра, Жезус ўйиндан кейин изоҳ бера олмагани учун узр сўраш билан чекланган.
Матбуот анжуманида қатнашишдан бош тортгани учун «Ан Наср» устози 6,7 минг еврони ташкил этувчи жаримага тортилши мумкин.
Ушбу воқеалар жамоа ҳужумчиси Криштиану Роналдунинг бойкоти фонида юз бермоқда. Португалиялик юлдуз клуб ишидан норози бўлиб, «Ар Рияд»га қарши баҳсда майдонга тушишни рад этган.
