Роналдуга терма жамоа қароргоҳини тарк этгани учун 6 ойгача дисквалификация хавф солмоқда
Португалия терма жамоаси ҳужумчиси Криштиану Роналду миллий жамоа қароргоҳини тарк этгани учун бир ойдан олти ойгача дисквалификация қилиниши, шунингдек, жаримага тортилиши мумкин. Бу ҳақда A Bola хабар берди.
Португалия футбол федерациясининг (FPF) интизомий регламентига кўра, бундай қоидабузарлик учун жиддий санкциялар белгиланган.
Расмий чақирувдан сўнг узрли сабабсиз терма жамоа қароргоҳини тарк этган ёки терма жамоанинг машғулоти, ўйини ёки FPF ёхуд Португалия номидан ўтказиладиган бошқа тадбирида иштирок этмаган футболчи бир ойдан олти ойгача дисквалификация билан жазоланади.
Бундан ташқари, агар футболчи профессионал бўлса, унга 5 дан 10 та шартли бирликкача жарима солинади. Бу тахминан 500 евродан 1000 еврогача бўлган маблағни ташкил этади.
Шунингдек, 160-модданинг 2-бандида футболчининг терма жамоа қароргоҳида бўлмаслиги ёки жамоа жойлашган ҳудудни тарк этиши регламент қоидаларига мувофиқ автоматик равишда вақтинчалик четлатишга олиб келиши қайд этилган.
Аввалроқ Роналду бош мураббий Жорже Жезуш можаро йўқлигини айтганига қарамай, миллий терма жамоа машғулотини тарк этган эди. Ҳужумчи терма жамоа қароргоҳидан кетишга қарор қилди ва бу қарорини изоҳлади.
Португалиянинг бир қатор ОАВлари Роналдунинг миллий терма жамоадаги фаолиятини якунлаш нияти борлиги ҳақида хабар берди.
