Роналду Жаҳон чемпионати плей-офф босқичидаги антирекордини янгилади
39 ёшли ҳужумчи мундиал тарихида плей-офф босқичида кетма-кет 10 та учрашувда ўйиндан гол ура олмаган илк футболчи бўлди.
Фото: Getty Images
Португалия терма жамоаси сардори Криштиану Роналду Жаҳон чемпионати плей-офф босқичида яна бир салбий статистикани қайд этди.
39 ёшли ҳужумчи мундиал тарихида плей-офф босқичида кетма-кет 10 та учрашувда ўйиндан гол ура олмаган илк футболчи бўлди. Бу Жаҳон чемпионатлари тарихидаги антирекорд ҳисобланади.
Қайд этиш жоиз, Роналду ЖЧ-2026 гуруҳ босқичида Ўзбекистонга қарши баҳсда дубл қайд этиб, кетма-кет 10 та йирик турнир (Жаҳон чемпионати ва Европа чемпионати) учрашувидаги голсиз сериясига барҳам берганди. Бироқ мундиалнинг плей-офф босқичида у ҳали ҳам ўйиндан гол ура олгани йўқ.
Шунга қарамай, Роналду Жаҳон чемпионатлари тарихида олти турли мундиалда гол урган илк футболчи бўлиб қолмоқда ва ушбу рекорд ҳозирча ҳеч кимга насиб этмаган.
Насрулло Каримов
Журналист