Роналду яқин орада футболчилик фаолиятини якунлаши мумкин
Футболчи бунга тайёрлигини ҳам айтди.
ФОТО: Getty images
Саудия Арабистонининг “Ан-Насср” клуби ҳужумчиси Криштиану Роналду журналист Пирс Морган билан суҳбатда фаолиятини қачон тугатиши мумкинлиги ҳақида айтди.
“Фаолиятимни қачон тугатаман? Тез орада. Аммо бунга аста-секин тайёрланаман. Мухлисларга айтиш қийин бўлиши мумкин, балки йиғлаб юбораман — бу табиий. Агар йиғласам ҳам яширмайман, очиқ инсонман. Лекин кейин оилам ва фарзандларим билан кўпроқ вақт ўтказиш имконим бўлади”, деди Роналду.
Роналду ҳозир 40 ёшда. Ҳужумчи 2022 йил декабрдан бери “Ан-Насср” сафида тўп сурмоқда. Аввалроқ у Португалиянинг “Спортинг”, Англиянинг “Манчестер Юнайтед”, Италиядаги “Ювентус” ва Испаниядаги “Реал Мадрид” клубларида ҳам ўйнаган.
Розикжон Султонмуродов
Журналист