Роналду тарихда миллиард долларга эга бўлган илк футболчига айланди
Бу битим уни дунёнинг энг бадавлат спортчиларидан бирига айлантирди.
ФОТО: Getty images
Криштиану Роналду тарихда илк бор миллиард долларга эга бўлган футболчи сифатида қайд этилди. Бу ҳақда Bloomberg агентлиги хабар берди.
Манбага кўра, португалиялик ҳужумчининг бойлиги 1,4 миллиард АҚШ долларига етган. Бу кўрсаткич Bloomberg’нинг миллиардерлар индексларида илк бор қайд этилди. Шу тариқа Роналду тарихда бундай даражага етган биринчи чарм тўп устасига айланди.
У 2025 йилнинг июн ойида “Ан-Наср” билан қиймати 400 миллион доллардан ортиқ бўлган янги шартнома имзолаган эди. Бу битим уни дунёнинг энг бадавлат спортчиларидан бирига айлантирди. Ҳисобларга кўра, Роналду 2002–2023 йиллар оралиғида футбол фаолиятидан 550 миллион доллардан ортиқ даромад топган.
Розикжон Султонмуродов
Журналист