Роналду Португалияга қайтиши мумкин, у 1000-голини миллий жамоа сафида уришни хоҳлайди
Роналду Португалияга қайтиши мумкин, у 1000-голини миллий жамоа сафида уришни хоҳлайди
Айни вақтда Криштиану ва Жезуш ўртасидаги муносабатлар яхшиланаётгани айтилмоқда.
Португалия миллий жамоаси ҳужумчиси Криштиану Роналду бош мураббий Жорже Жезуш билан юзага келган келишмовчилик сабаб жамоа қароргоҳини тарк этганди.
Журналист Мигел Перейранинг таъкидлашича, Роналду келаси йили яна Португалия миллий жамоасига қайтиши мумкин.
«У Португалия учун сўнгги голини уришни жуда хоҳламоқда. Менимча, Криштиану мавсум охирида 1000-голини уришга интилади.
Роналду «Ан Наср» сафида бир мавсумда 15–20 та гол уришни осонликча уддалашига ишоняпти. Лекин у миллий жамоадаги фаолияти, ўз тарихи ва ўзи учун ўзига хос байрам уюштиришни жуда хоҳлайди. Мен ҳали ҳам бу воқеа содир бўлади деб ўйлайман.
Ҳозир Криштиану ва Жезуш ўртасидаги муносабатлар яхшиланаётганини кўряпмиз. Португалия футбол федерацияси Роналдунинг қайтишини истамоқда, чунки бу катта шов-шув келтириб чиқаради.
Менимча, Криштиану келаси йил охирида Португалия миллий жамоаси билан сўнгги ўйини учун қайтиб келади», — деди Перейра.
Аввалроқ 41 ёшли форварднинг Саудия Арабистонига қайтиб, «Ан Наср» сафига қўшилиши маълум қилинганди.
