Роналду Португалия терма жамоасидан олти ойгача четлатилиши мумкин
Португалия терма жамоаси сардори Криштиану Роналду миллий жамоа йиғинини муддатидан олдин тарк этгани учун интизомий жазога дуч келиши мумкин. 41 ёшли ҳужумчига бир ойдан олти ойгача дисквалификация қўлланилиши эҳтимоли мавжуд. Бу ҳақда A Bola нашри хабар бермоқда.
Манбага кўра, Португалия футбол федерацияси интизомий регламентининг 160-моддасида терма жамоа машғулоти, ўйини ёки бошқа фаолиятини узрсиз тарк этган футболчи бир ойдан олти ойгача четлатилиши белгиланган. Профессионал футболчига қўшимча равишда тахминан 500–1000 евро миқдорида жарима ҳам қўлланилиши мумкин. Ҳозирча Роналдуга нисбатан якуний жазо расман эълон қилинмаган.
Роналду Жорже Жезуш билан юзага келган келишмовчилик ортидан Португалия терма жамоаси йиғинини тарк этган эди. Кейинчалик футболчи мураббий унга берган ваъдасини бажармаганини айтиб, шу билан бирга ўз қарори учун жавобгарликни олишга ва федерация томонидан бериладиган жазони қабул қилишга тайёр эканини билдирди.
Маълумот учун, Криштиану Роналду Португалия терма жамоаси сафида 234 та учрашувда 146 та гол урган. У миллий жамоалар тарихидаги энг яхши тўпурар ҳисобланади.
