Роналду: «Неймар — 20 дақиқада ўйин тақдирини ҳал қила оладиган футболчи»
Бразилиялик футболчи Анчелоттининг қарорига муносабат билдирди.
Футбол
Насрулло Каримов
Журналист
ФОТО: Getty Images
Бразилия терма жамоасининг собиқ ҳужумчиси, икки карра жаҳон чемпиони Роналду миллий жамоа бош мураббийи Карло Анчелотти 34 ёшли ҳужумчи Неймларни ЖЧ-2026га чақириб, тўғри қарор қабул қилган деб ҳисоблайди.
«Ўйлашимча, у ажойиб танловни амалга оширди. Неймар ҳал қилувчи паллада ўзининг қизиқарли ўйини билан жамоага ёрдам бера олади. Неймарда шундай истеъдод, шундай даҳолик борки, биз усиз майдонга туша олмасдик. У бор-йўғи 20 дақиқа ичида ўйин тақдирини ўзгартира олиши мумкин бўлган футболчилар сирасидадир», — дея Роналдунинг сўзларини келтирмоқда ESPN.
Аввалроқ Анчелотти жароҳатидан тикланишни давом эттираётган Неймар Бразилия терма жамоасининг турнирдаги дебют — Марокашга қарши (14-июн) ўйинини ўтказиб юборишини маълум қилган эди.