Ronaldo: «Neymar — 20 daqiqada oʻyin taqdirini hal qila oladigan futbolchi»
Braziliya terma jamoasining sobiq hujumchisi, ikki karra jahon chempioni Ronaldo milliy jamoa bosh murabbiyi Karlo Anchelotti 34 yoshli hujumchi Neymarni JCh-2026'ga chaqirib, toʻgʻri qaror qabul qilgan deb hisoblaydi.
«Oʻylashimcha, u ajoyib tanlovni amalga oshirdi. Neymar hal qiluvchi pallada oʻzining qiziqarli oʻyini bilan jamoaga yordam bera oladi. Neymarda shunday isteʼdod, shunday daholik borki, biz usiz maydonga tusha olmasdik. U bor-yoʻgʻi 20 daqiqa ichida oʻyin taqdirini oʻzgartirib yuborishi mumkin boʻlgan futbolchilar sirasidandir», — deya Ronaldoning soʻzlarini keltirmoqda ESPN.
Avvalroq Anchelotti jarohatidan tiklanishni davom ettirayotgan Neymar Braziliya terma jamoasining turnirdagi debyut — Marokashga qarshi (14-iyun) oʻyinini oʻtkazib yuborishini maʼlum qilgan edi.
