Роналду буюкликка эришиш калитини айтди
Португалиялик футболчи ҳозирда Саудияда тўп сурмоқда.
ФОТО: Getty Images
«Ан Наср» ҳужумчиси ва Португалия миллий жамоаси етакчиси Криштиану Роналду ўзининг ижтимоий тармоқдаги саҳифасида буюкликка эришиш учун зарур бўлган омиллар ҳақида фикр билдирди. Унинг таъкидлашича, қизиқувчанлик улардан бири ҳисобланади.
«Қизиқувчанлик — буюкликнинг ажралмас шарти. Сиз ҳар куни янги саволлар беришда давом этсангиз, ютасиз», — дея ёзди Роналду X ижтимоий тармоғидаги саҳифасида.
Криштиану Роналду УЕФА Чемпионлар Лигаси тарихидаги энг яхши тўпурардир — унинг ҳисобига 140 та гол бор. Шунингдек, у «Реал Мадрид» тарихидаги энг кўп гол урган футболчи бўлиб, клуб сафида 450 та гол муаллифи бўлган. Португалия терма жамоаси сафида эса Роналду 143 марта рақиб дарвозасини ишғол қилиб, жаҳон рекордига эга.
Насрулло Каримов
Журналист