Роналду: «Бразилиянинг ЖЧ-2026да ғалаба қозониш имконияти бошқа жамоаларнинг 95 фоизига қараганда кўпроқ»
Мадриднинг «Реал», Миланнинг «Интер» клублари собиқ ҳужумчиси Роналду Бразилиянинг Карло Анчелотти қўл остида ЖЧ-2026даги имкониятлари ҳақида ўз фикрлари билан ўртоқлашди.
«Бизда «Реал»да Вини Жуниор, «Барселона»да Рафинья, «Челси»да Эстеван бор. Уларнинг барчаси аъло даражада: Европанинг топ-клубларида ўзларини ёрқин намоён этишмоқда ва аллақачон етарли тажриба тўплашга улгуришган.
Ўйлашимча, терма жамоада жаҳон чемпионатида ғолиб чиқиш учун реал имконият бор. Мен Анчелоттига чин дилдан ишонаман — у тарихдаги энг буюк мураббийлардан бири.
Чемпион бўламизми? Бу жуда қийин, аммо имконият бор ва у кўплаб бошқа жамоалардникдан анча юқори. Бизнинг имкониятларимиз дунёдаги 95 % жамоалардникдан кўпроқ», — дея Роналдунинг сўзларини келтирмоқда Tribuna нашри.
Маълумот учун, Бразилия терма жамоаси ЖЧ-2026 учрашувларини «C» гуруҳида Марокаш, Гаити ва Шотландия термаларига қарши ўтказади.
