Ronaldo: «Braziliyaning JCh-2026'da gʻalaba qozonish imkoniyati boshqa jamoalarning 95 foiziga qaraganda koʻproq»
Madridning «Real», Milanning «Inter» klublari sobiq hujumchisi Ronaldo Braziliyaning Karlo Anchelotti qo‘l ostida JCh-2026 dagi imkoniyatlari haqida o‘z fikrlari bilan o‘rtoqlashdi.
«Bizda «Real»da Vini Junior, «Barselona»da Rafinya, «Chelsi»da Estevao bor. Ularning barchasi ajoyib: Yevropaning top-klublarida o‘zlarini yorqin namoyon etishmoqda va allaqachon yetarli tajriba to‘plashga ulgurishdi.
O‘ylashimcha, terma jamoada jahon chempionatida g‘olib chiqish uchun real imkoniyat bor. Men Anchelottiga chin dildan ishonaman — u tarixdagi eng buyuk murabbiylardan biri.
Chempion bo‘lamizmi? Bu juda qiyin, ammo imkoniyat bor va u ko‘plab boshqa jamoalarnikidan ancha yuqori. Bizning imkoniyatlarimiz dunyodagi 95 % jamoalarnikidan ko‘proq», — deya Ronaldoning so‘zlarini keltirmoqda Tribuna nashri.
Ma’lumot uchun, Braziliya terma jamoasi JCH-2026 uchrashuvlarini «C» guruhida Marokash, Gaiti va Shotlandiya termalariga qarshi o‘tkazadi.
