Роналду биринчи, Месси учинчи — XXI асрда топ-5 чемпионатларида энг кўп ўйин ўтказган футболчилар эълон қилинди

«Ан Наср» клуби ҳужумчиси Криштиану Роналду XXI асрда Европанинг кучи бешлик лигаси ўйинларида майдонда ўтказилган дақиқалар сони бўйича жаҳон футболида етакчилик қилмоқда.

Score 90 хабарга кўра, португалиялик футболчи 75 927 дақиқа билан рейтингда биринчи ўринни эгаллаган.

Европада «Барселона» ва «ПСЖ» сафида тўп сурган аргентиналик Лионель Месси 70 022 дақиқа билан учинчи поғонадан жой олди. Иккинчи ўринда эса Роналду­нинг «Реал Мадрид»даги собиқ жамоадоши Серхио Рамос қайд этилган — 70 461 дақиқа.

XXI асрда Европанинг топ-5 лигаларида энг кўп дақиқа ўтказган футболчилар рейтинги:

1. Криштиану Роналду — 75 927 дақиқа
2. Серхио Рамос — 70 461 дақиқа
3. Лионель Месси — 70 022 дақиқа
4. Раул Албиол — 63 541 дақиқа
5. Дани Алвес — 63 066 дақиқа

Насрулло Каримов

Журналист