Роналду, Бензема «Яқин Шарқнинг энг яхши футболчиси» унвони учун даъвогарлик қилмоқда
Ушбу мукофотнинг амалдаги ғолиби Криштиану ҳисобланади.
ФОТО: Getty Images
Globe Soccer Awards 2025 йилнинг Яқин Шарқдаги энг яхши футболчиси номинацияси учун номзодлар эълон қилинди. Якуний рўйхатга тўрт нафар футболчи кирди.
Мукофот учун қуйидаги ўйинчилар курашади: Криштиану Роналду («Ан Наср»), Карим Бензема («Ал Иттиҳод»), Риёд Маҳрез («Ал Аҳли») ва Салим Ал-Давсари («Ал Ҳилол»).
Ўтган йили Яқин Шарқнинг энг яхши футболчиси деб Криштиану Роналду топилган эди. Ундан олдинги йили ҳам мукофотни португалиялик ҳужумчи қўлга киритган.
Globe Soccer Awards — бу ҳар йили ўтказиладиган маросим бўлиб, унда футбол соҳасида энг йирик ютуқларга эришган шахслар тақдирланади. Турли номинациялар бўйича ғолиблар овоз бериш орқали аниқланади.
Насрулло Каримов
Журналист