Роналду «Барча даврларнинг энг яхши футболчиси» совринини қўлга киритди
Футболчи маросимга шахсан ташриф буюрмаган.
ФОТО: Getty images
Саудиянинг “Ан-Наср” клуби ҳужумчиси Криштиану Роналду Португалия лигаси мукофотлари тантанасида “Барча даврларнинг энг яхши футболчиси” совринига сазовор бўлди.
Лига расмий баёнотига кўра, 40 ёшли Роналду “бутун бир даврни белгилаб берди ва жаҳон футболида ўчмас из қолдирди”.
Футболчи маросимга шахсан ташриф буюрмаган бўлса-да, ташкилотчилар унинг мукофот билан чиқиш қилган видеомурожаатини намойиш этишди.
Маълумот учун, Роналду беш карра “Олтин тўп” соҳиби ҳисобланади. Шунингдек, у футбол тарихида энг кўп гол урган футболчи сифатида рекорд ўрнатган. Унинг ҳисобида ҳозирча 943 та гол мавжуд.
Розикжон Султонмуродов
Журналист