Роналду «Ан Наср» ўйинларини бойкот қилишга қарор қилди
«Ан Наср» ҳужумчиси Криштиану Роналду клубдаги ҳозирги ҳолатдан мутлақо норози ва майдонга тушишни истамаяпти. Бу ҳақда Португалиянинг нуфузли A Bola нашри хабар тарқатди.
Манбанинг ёзишича, Роналду «Ан Наср»нинг «Ар-Рийод»га қарши кечадиган навбатдаги учрашувини ўтказиб юбормоқчи.
Криштианунинг ғазабига Саудия Арабистони Давлат инвестиция жамғармасининг (PIF) клубни бошқариш услуби сабаб бўлган. Футболчи «Ан Наср»га ажратилаётган инвестицияларнинг миқдори етарли эмаслигидан шикоят қилмоқда.
Роналду клуб раҳбариятининг хатти-ҳаракатлари жамоага зарар келтираётганига ишончи комил. Айниқса, у асосий рақиб — «Ал Ҳилол»нинг трансфер бозоридаги фаоллиги ва уларга яратиб берилаётган шароитлар фонида «Ан Наср» эътибордан четда қолаётганидан норози.
Эслатиб ўтамиз, Криштиану Роналду 2023 йилдан буён Ар-Рийод клуби шарафини ҳимоя қилиб келмоқда. Унинг «Ан Наср» билан амалдаги шартномаси 2027 йилнинг ёзига қадар имзоланган.
