Роналду — 4 клубда 100 тадан гол урган тарихдаги ягона футболчи
Фото: Getty Images
“Ал-Наср” ҳужумчиси Криштиану Роналду Саудия Арабистони Суперкубоги финалида “Ал-Аҳли”га қарши ўйинда гол урди.
Португалиялик 40 ёшли форвард ўйиннинг 41-дақиқасида пеналтини аниқ амалга оширди. Бу гол футболчининг "Ал Наср" жамоаси учун 113-ўйиндаги 100-голи бўлди.
Шу тариқа, Роналду тарихда тўрт хил клубда камида 100 та гол урган биринчи футболчи бўлди.
Ҳужумчи "Ал Наср"дан ташқари "Манчестер Юнайтед", "Реал Мадрид" ва "Ювентус" жамоаларида ҳам 100 лик маррани забт этган.
Шунингдек, Португалия терма жамоаси сафида ҳам 138та гол урган.
Розикжон Султонмуродов
Журналист