Ronaldu — 4 ta klubda 100 tadan gol urgan tarixdagi yagona futbolchi
Фото: Getty Images
“Al-Nasr” hujumchisi Krishtianu Ronaldu Saudiya Arabistoni Superkubogi finalida “Al-Ahli”ga qarshi o‘yinda gol urdi.
Portugaliyalik 40 yoshli forvard o‘yinning 41-daqiqasida penaltini aniq amalga oshirdi. Bu gol futbolchining "Al-Nasr" jamoasi uchun 113-o‘yindagi 100-goli bo‘ldi.
Shu tariqa, Ronaldu tarixda to‘rt xil klubda kamida 100 ta gol urgan birinchi futbolchi bo‘ldi.
Hujumchi "Al-Nasr"dan tashqari "Manchester Yunayted", "Real Madrid" va "Yuventus" jamoalarida ham 100 lik marrani zabt etgan.
Shuningdek, Portugaliya terma jamoasi safida ham 138 ta gol urgan.
Roziqjon Sultonmurodov
Jurnalist