Роналду 2025 йил сентябр ойидан бери илк бор СПЛда гол ура олмади
Ушбу ҳолат «Ал Ахли»га қарши баҳсда содир бўлди.
ФОТО: Getty Images
«Ан Наср» ҳужумчиси Криштиану Роналду Саудия Арабистони Про-лигасида 2025 йил сентябридан бери илк бор гол ура олмади. Бу ҳолат чемпионатнинг 13-турида «Ал Ахли»га қарши ўйинда содир бўлди.
Учрашув Жидда шаҳридаги «Шаҳзода Абдуллоҳ ал-Файсал» стадионида бўлиб ўтди ва мезбонлар «Ал-Аҳли»нинг 3:2 ҳисобидаги ғалабаси билан якунланди.
Роналду майдонда тўлиқ 90 дақиқа ҳаракат қилди, бироқ гол ёки ассист қайд эта олмади. Португалиялик футболчи Саудия чемпионатида охирги марта 2025 йил 14 сентябрь куни, 2-тур доирасида «Ал Ҳулуд»га қарши (2:0) баҳсда гол ура олмаган эди.
Жорий мавсумда Криштиану Роналду Саудия Про-лигасида 12 та учрашув ўтказиб, 13 та гол ва 1 та голли узатма муаллифи бўлган.
Насрулло Каримов
Журналист