Роналдиньо: «Менга футбол томоша қилиш ёқмайди, 90 дақиқа — жуда узоқ»
«Барселона» ва Бразилия терма жамоасининг афсонавий собиқ юлдузи Роналдиньо футбол учрашувларини томоша қилишни хуш кўрмаслигини очиқчасига тан олди.
«Менга футбол томоша қилиш ёқмайди. Фақат энг муҳим вазиятлар (highlights) қизиқтиради, 90 дақиқа эса — жуда узоқ вақт. Агар бу финал ёки дерби бўлмаса, қолган ўйинлар мени қизиқтирмайди. Мен асабийлаша бошлайман.
Ўша пайтда: «Қандай қилиб бу бола шундай пасда хато қилиши мумкин?» деб ўйлайсиз ва бу менинг ғазабимни келтира бошлайди», — дея «сеҳргар»нинг сўзларини келтирмоқда Marca нашри.
Ушбу баёнот Лос-Анжелесда бўлиб ўтган ва 1:1 ҳисобида якунланган «Реал» ва «Барселона» афсоналари ўйини олдидан янгради. Эслатиб ўтамиз, аввалроқ Коста-Рикада ҳам афсоналар ўртасидаги «El Класико» ташкил этилган ва унда «Қироллик клуби» 2:0 ҳисобида ғалаба қозонган эди.
