Роналдиньо Лионель Мессини таваллуд айёми билан табриклади
Икки афсона 2004—2008-йиллар оралиғида “Барселона”да бирга тўп сурган.
Футбол
Насрулло Каримов
Журналист
ФОТО: Getty Images
Бразилия футболи афсонаси Роналдиньо Аргентина терма жамоаси сардори Лионель Мессини 39 ёшга тўлгани муносабати билан табриклади.
У ижтимоий тармоқлардаги саҳифасида Месси билан тушган суратини эълон қилиб, самимий тилакларини йўллади.
“Сени маҳкам қучоқлайман, биродар. Туғилган кунинг билан!” — деб ёзди Роналдиньо.
Маълумот учун, Роналдиньо ва Месси 2004–2008-йиллар оралиғида “Барселона” сафида бирга тўп сурган. Айнан Роналдиньо Мессининг илк йилларидаги ривожланишида муҳим роль ўйнаган футболчилардан бири сифатида эътироф этилади.