Роналдиньо француз клуби Пари Сен-Жермен бош мураббийи Луис Энрике ҳақида фикр билдирди
Жаҳон футболи юлдузи, Бразилия терма жамоаси ва каталониялик «Барселона» жамоасининг собиқ ярим ҳимоячиси Роналдиньо Франциянинг «ПСЖ» жамоаси бош мураббийи Луис Энрикенинг фаолияти ҳақида ўз фикрини билдирди.
Бразилиялик собиқ футболчи Lequipe журналига берган интервьюсида шундай деди: «Энрике ўз ишига тўлиқ берилади. У яратаётган жамоасини жуда яхши тушунади. Биз у билан мен “Барселона”га энди келган пайтим танишганмиз. Мен унга ҳавас қиламан. Луис аъло даражадаги футболчи бўлган, ҳозир эса у зўр мураббийга айланган. У «ПСЖ» билан катта ютуқларга эришиши мумкин. Бу жамоанинг салоҳияти жуда юқори».
2024/25 мавсумида Парижнинг «ПСЖ» клуби Франция чемпионига айланди. Чемпионлар лигаси чорак финалида парижликлар «Астон Вилла»га қарши майдонга тушишади.
