Ромелу Лукаку «Фенербахче»га ўтишга яқин
Бу ҳақда инсайдер Маттео Моретто хабар берди.
ФОТО: Getty images
«Наполи» ҳужумчиси Ромелу Лукаку «Фенербахче»га ўтишга яқин. Туркия клуби 33 ёшли бельгиялик форвард билан шахсий шартнома шартлари бўйича келишувга эришди. Бу ҳақда инсайдер Маттео Моретто хабар берди.
Манбага кўра, Лукаку фаолиятини Туркия чемпионатида давом эттиришга рози бўлган. Томонлар бўлажак ҳамкорликнинг асосий шартларини келишиб олган.
«Фенербахче» бельгиялик ҳужумчининг трансфери учун «Наполи»га тахминан 6 миллион евро тўлашга тайёр.
Аввалроқ Лукакуга Туркиянинг яна бир гранди — «Бешикташ» ҳам қизиқиш билдираётгани хабар қилинган эди. Шунингдек, бельгиялик футболчининг эҳтимолий харидорлари қаторида АҚШнинг «Атланта Юнайтед» клуби ҳам тилга олинган.
Розикжон Султонмуродов
Журналист