Романо Кукурелья қачон «Реал» ўйинчисига айланишини маълум қилди
Журналист ва инсайдер Фабрицио Романо ўзининг X ижтимоий тармоғидаги саҳифасида «Челси» ва Испания терма жамоаси ҳимоячиси Марк Кукурельянинг қачон Мадриднинг «Реал» клуби футболчисига айланишини ошкор қилувчи хабарни эълон қилди.
«Марк Кукурелья бугун, душанба куни «Реал» ўйинчисига айланади», — деб ёзди Романо X ижтимоий тармоғида.
Аввалроқ испанияликлар клуби футболчи учун «Челси»га 55 млн евро тўлаши, яна 5 млн евро келишувда бонус сифатида белгилангани ҳақида хабар қилинганди. Таъкидланишича, ўйинчи АҚШда бўлиб турганидаёқ шартномани имзолаб бўлган.
Кукурелья «Эспаньол» ва «Барселона» клубларида ўйнаган. Катталар даражасида ҳимоячи аввалроқ «Эйбар», «Хетафе» ва «Брайтон» клубларида ҳам тўп сурган. Футболчи 2024 йилда Испания терма жамоаси билан Европа чемпиони бўлди.