“Рома” Шомуродовни сотишга қарор қилди
Италия клуби ўзбекистонлик ҳужумчини 7–8 миллион еврога трансфер қилишни режалаштирмоқда
Расм: gettyimages.com
Миллий жамоамиз сардори Элдор Шомуродовнинг “Рома”даги фаолияти якунланмоқда. Рим клуби унинг трансфери бўйича музокараларни бошлади ва 29 ёшли футболчи учун 7–8 миллион евро миқдорида таклиф кутаётгани маълум қилинди. Бу ҳақда Sky Sport хабар берди.
Ҳозирча туркнинг “Истанбул Башакшехир” клуби асосий харидор сифатида кўрилмоқда. Шу билан бирга, Франциянинг “Ренн” жамоаси ҳам Элдорга қизиқиш билдирган.
Маълумот учун, “Рома” 2021 йилда Шомуродовни “Женоа”дан 19,6 миллион еврога харид қилган эди.
Бакрадзе Иман
Редактор
