«Рома» «Ливерпул» ҳимоячисини ижарага олмоқчи
Фото: Getty Images
"Рома" "Ливерпул"нинг чап қанот ҳимоячиси Константинос Цимикасга қизиқиш билдирмоқда. Бу ҳақда журналист Жанлука Ди Марцио хабар берди.
Манбага кўра, “бўрилар” уни Анхелинога ўринбосар сифатида кўрмоқда. Римликлар грециялик футболчини ижарага олмоқчи.
Қайд этилишича, келишув осонликча амалга ошмайди. Аммо “Рома” Цимикасни ўз сафига қўшиб олишга умид қилмоқда.
Ўтган мавсумда у барча мусобақаларда 29 та ўйин ўтказиб, 2 та голли узатмани амалга оширган.
Футболчининг клуб билан амалдаги меҳнат шартномаси 2027 йилнинг ёзига қадар мўлжалланган.Трансфермаркт порталида берилган маълумотларга кўра, футболчининг бозор нархи 18 миллион еврони ташкил қилади.
Розикжон Султонмуродов
Журналист