«Рома» Дибала билан музокараларни бошлади
Клуб 31 ёшли футболчи билан янги меҳнат шартномаси бўйича музокараларни бошлаган.
ФОТО: Getty images
"Рома" ҳужумчи Пауло Дибала билан шартномани узайтирмоқчи. Бу ҳақда журналист Николо Скира хабар берди.
Манбага кўра, клуб 31 ёшли футболчи билан янги меҳнат шартномаси бўйича музокараларни бошлаган.
"Бўрилар" раҳбарияти форвард билан 2028 йилнинг ўрталарига қадар шартнома тузишни режалаштирмоқда. Унинг клуб билан амалдаги битими 2026 йилнинг ёзида якунига етади.
Йил бошида Дибаланинг Саудия Арабистонига кўчиб ўтиши мумкинлиги ҳақида хабарлар тарқалган эди, аммо жаҳон чемпионати ғолиби Римда қолишни танлади.
Розикжон Султонмуродов
Журналист
