Рой Кин: «Кейн босимни яхши кўради, аммо унга шерикларининг ёрдами керак»
«Манчестер Юнайтед»нинг собиқ футболчиси Рой Кин Англия терма жамоаси сардори Харри Кейн ҳақида ўз фикрлари билан ўртоқлашди.
«Биз унинг мудофаага жуда чуқур тушиб кетишини мутлақо хоҳламаймиз. Охирги бир неча йилда унинг майдон марказига сурилиб, ҳимоявийроқ ўйнаганига кўплаб мисоллар бўлди. У барибир хавфлилигича қолмоқда.
Англия терма жамоасининг бош юлдузи бўлиш билан боғлиқ босимга келсак, у буни қабул қилади ва бу унга ёқади. Агар унинг «Тоттенхэм»даги даврини эсласак, у ерда ҳамма нарса унга боғлиқ эди. «Бавария» — ажойиб жамоа ва Кейн ҳамон унинг юлдузи бўлиб қолмоқда, у бу босимни яхши кўради. Албатта, унга жамоадошлари ва у учун ўйнайдиган футболчиларнинг қўллаб-қувватлаши керак.
«Бавария»да урилган голлар у учун катта туртки бўлди. Янги лигага ўтиб, янада кучлироқ футболчилар билан бирга ўйнаш орқали у кўп нарсани ўргангани кўриниб турибди», — деди Невилл.
Маълумот учун, Англия терма жамоаси Жаҳон чемпионатидаги илк учрашувини Хорватияга қарши ўтказади. Ўйин 17-июн куни бўлиб ўтади.