Родриго оғир жароҳат олди ва Жаҳон чемпионатини ўтказиб юборади — Marca
Мадриднинг «Реал» клуби вингери Родриго Гоес ўнг оёғигаги олдинги хочсимон боғламларини узиб олди. У мавсумнинг қолган қисми ва 2026 йилги Жаҳон чемпионатини ўтказиб юборади. Бу ҳақда Marca нашри хабар бермоқда.
Манбага кўра, бразилиялик футболчи Испания чемпионатининг 26-туридан ўрин олган «Хетафе»га (0:1) қарши ўйинда жароҳат олган. Сешанба, 3 март куни эрталаб ўтказилган тиббий кўрик Родригода хочсимон боғламлар узилганини кўрсатди.
«Қаймоқранглилар» ҳужумчиси жароҳат олганига қарамай, «Хетафе» билан ўйинни охиригача давом эттира олган: у 55-дақиқада майдонга тушиб, баҳс якунигача «Сантьяго Бернабеу»да ҳаракат қилган.
2026 йилги Жаҳон чемпионатида Бразилия терма жамоаси Марокаш, Гаити ва Шотландия билан бир гуруҳдан жой олган, бироқ энди турнирда ўз етакчиларидан бири хизматидан фойдалана олмайди.
