Родри Ямал ҳақида: «У бир куни аниқ «Олтин тўп»ни кўтаради»
"Манчестер Сити" ва Испания терма жамоаси ярим ҳимоячиси Родри "Барселона" ва миллий жамоа ҳужумчиси Ламин Ямалнинг ўйини ва шахсияти ҳақида фикр билдириб, ўзини ёш футболчи билан таққослади.
"Икки испан ўйинчиси - бири ҳозирги замонники, иккинчиси келажакники. Гарчи, аслида, у ҳозир ҳам ҳозирги замонда, лекин олдинда шундай келажак бор. Таассуротли. Бир куни у аниқ "Олтин тўп"ни кўтаради - бу ҳақиқий ҳайвон. Ажойиб йигит. У билан муносабатларим аъло. Кўпчилик уни ҳали яхши танимайди. Одамларни чақирмоқчиман - уни яқинроқ билинг. У ақл бовар қилмайдиган даражада зўр инсон.
Мен унинг даражасидаги, бундай қобилиятларга эга, табиатан ноёб ўйинчилар муқаррар равишда юқори эътиборга дуч келишади деб ҳисоблайман - ҳам яхши, ҳам ёмон томондан. Бу билан яшашни билиш керак.
Унда ажойиб етуклик бор. Баъзи жиҳатлари билан унинг образи ҳақиқатга тўғри келмайди. У - ажойиб йигит. Унинг ёши учун ҳайратланарли шахсий фазилатлари бор: жуда тартибли, ўта етук. У ҳам биз ҳаммамиз каби бир вақтлар 18 ёшда бўлганини унутмаслик керак. Унинг шунчалик кучли ривожланаётганидан хурсандман", - дея Родрининг сўзларини келтиради AS.
