Родри: “Реал”га рад жавобини бериш осон бўлмади
“Барселона” ярим ҳимоячиси Родри Эрнандес ёзги трансфер ойнасида Мадриднинг “Реал” клубига ўтиш имконияти бўлганини ва бу таклифни рад этиш осон кечмаганини тан олди. Якунда испаниялик футболчи “Барселона”ни танлаган. Бу ҳақда Madrid Universal хабар бермоқда.
Манбага кўра, “Реал” Родри ҳали “Манчестер Сити” сафида ўйнаётган пайтда унинг трансферига биринчи бўлиб жиддий қизиқиш билдирган. Кейинчалик “Барселона” ҳам курашга қўшилиб, 30 ёшли ярим ҳимоячини Мадрид клубидан илиб кетишга муваффақ бўлган.
Родрининг айтишича, “Реал”нинг унга бўлган муносабати сабаб клубга “йўқ” дейиш қийин бўлган. Бироқ у якуний қарорни спорт жиҳатларини ҳисобга олган ҳолда қабул қилган. Футболчига “Барселона”нинг лойиҳаси маъқул келган ва у Каталония клубида ғалаба қозониш ҳамда ривожланиш имкониятини кўрганини таъкидлаган.
Маълумот учун, “Барселона” Родри билан шартнома имзолаганини 18-август куни расман эълон қилган.
