Родри келажаги борасида қарор қабул қилди
ФОТО: Getty Images
Мадриднинг “Реал” клуби “Манчестер Сити” ярим ҳимоячиси Родрига қизиқиш билдирмоқда. Бу ҳақда BILD нашри хабар берди.
Манбага кўра, “Қироллик клуби” испанлик футболчини ёзги трансферлар вақтида ўз сафига қўшиб олмоқчи, бироқ Родри жамоасини ўзгартириш ниятида эмас.
Эслатиб ўтамиз, Родри ўтган йилнинг сентябр ойида хочсимон пайларини шикастлаб олганди. Жорий мавсумда у барча турнирларда бор-йўғи 3 та ўйин ўтказди, холос.
Маълумот учун, Родрининг “шаҳарликлар” билан тузган амалдаги шартномаси 2027-йилнинг ёзига қадар амал қилади. Унинг Transfermarkt'даги нархи 130 миллион еврога баҳоланмоқда.
Насрулло Каримов
Журналист
