Робертсоннинг «Тоттенҳэм»га трансфери барбод бўлди
Робертсон “Ливерпуль” сафида 2017 йилнинг ёзидан буён тўп тепиб келмоқда.
ФОТО: Getty images
“Ливерпуль” ҳимоячиси Эндрю Робертсоннинг “Тоттенҳэм”га ўтиши барбод бўлди. Бу ҳақда журналист Бен Жейкобс хабар берди.
Манбага кўра, мерсисайдликлар шотландиялик 31 ёшли футболчи учун муносиб ўринбосар топилмагани сабаб “шпорлар”га сотмаслигини маълум қилган.
Таъкидланишича, “Тоттенхэм” клуби Робертсон учун бонусларни ҳисобга олган ҳолда 5 миллион фунт стерлингдан (5,7 миллион евро) ортиқ таклифини қабул қилган.
Эслатиб ўтамиз, Робертсон “Ливерпуль” сафида 2017 йилнинг ёзидан буён тўп тепиб келмоқда. Ушбу давр мобайнида ҳимоячи барча турнирларда 364 та учрашувда майдонга тушиб, 12 та гол ва 68 та голли узатмага муаллифлик қилган.
Розикжон Султонмуродов
Журналист