Робертсон «Тоттенхэм»нинг қизиқиши ҳақида гапирди
Унинг «қизиллар» билан амалдаги шартномаси 2026 йилнинг ёзига қадар мўлжалланган.
ФОТО: Getty images
«Ливерпуль» ҳимоячиси Эндрю Робертсон январь ойида «Тоттенхэм»га ўтиши мумкинлиги ҳақидаги миш-мишларга изоҳ берди.
«Январда «Тоттенхэм» томонидан қизиқиш бўлган эди, бироқ мен қолишга қарор қилдим. Бу клуб менга ҳамма нарсани берди ва мен ҳам бу клуб учун бор кучимни бердим. Мен ўз ишимга доимо содиқ бўлганман. Келажагим борасида бир қарорга келишим билан, бу ҳақда расман эълон қилинади», — дея Робертсоннинг сўзларини келтирмоқда Фабрицио Романо.
Эслатиб ўтамиз, Робертсон 2017 йилдан бери «Ливерпуль» шарафини ҳимоя қилиб келмоқда. Унинг «қизиллар» билан амалдаги шартномаси 2026 йилнинг ёзига қадар мўлжалланган.
Розикжон Султонмуродов
Журналист