Робертсон: «Де Зерби совринларни хоҳлайди, аммо бунинг учун вақт керак»
«Тоттенхэм» Англия чемпионатининг жорий мавсумида бешта учрашув ўтказиб, бор-йўғи икки очко жамғарган.
ФОТО: Getty images
«Тоттенхэм» ҳимоячиси Эндрю Робертсон жамоа бош мураббийи Роберто Де Зербининг иш услуби ва мақсадлари ҳақида фикр билдирди.
«У жуда амбицияли мураббий, буни унинг хатти-ҳаракатларидан ҳам кўриш мумкин. Тренер совринларни қўлга киритишни хоҳлайди, аммо бунинг учун вақт кераклигини яхши тушунади. Менимча, бизга шунчаки омад етишмаяпти. Ўтмишни унутишимиз ва олдинга ҳаракат қилишга эътибор қаратишимиз керак», — деди Робертсон Stick to Football подкастида.
«Тоттенхэм» Англия чемпионатининг жорий мавсумида бешта учрашув ўтказиб, бор-йўғи икки очко жамғарган. Лондонликлар халқаро танаффусга турнир жадвалининг сўнгги поғонасида чиқиб кетишди.
Де Зерби шогирдлари танаффусдан кейинги биринчи учрашувини сафарда «Манчестер Юнайтед»га қарши ўтказади.
