Роберто Манчини фаолиятини Қатарда давом эттиради
Италиялик мутахассиснинг сўнгги иш жойи Саудия Арабистони миллий жамоаси бўлган.
ФОТО: Getty Images
Италиялик мутахассис Роберто Манчини Қатарнинг «Ал Садд» клуби бош мураббийи бўлишга яқин турибди. Бу ҳақда инсайдер Фабрицио Романо хабар бермоқда.
Манбага кўра, Манчини билан тузиладиган шартномада 2026 йилнинг ёзида жамоани тарк этиш имконини берувчи махсус банд бўлади — бу Италиялик мураббий учун муҳим шарт бўлган ва томонлар бу борада келишувга эришган.
Қайд этилишича, ҳужжатлар расман расмийлаштирилгач, 59 ёшли мутахассис расман «Ал Садд» бош мураббийи сифатида эълон қилинади.
Эслатиб ўтамиз, Манчининг сўнгги иш жойи Саудия Арабистони миллий жамоаси бўлган. Шунингдек, у Италия миллий жамоаси билан Евро-2020 ғолибига айланган.
Насрулло Каримов
Журналист