Роберто Карлос операциядан сўнг шифохонадан чиқарилди
«Реал» ва «Интер»нинг собиқ ҳимоячиси Роберто Карлос юрак операциясидан сўнг шифохонадан чиқарилди, деб хабар беради Mundo Deportivo.
52 ёшли бразилиялик футболчи ижтимоий тармоқларда операцияни ўтказган шифокорлар билан тушган суратини эълон қилиб, «Барча тиббий ходимларга эътибор ва ғамхўрликлари учун раҳмат», дея изоҳ қолдирди.
31 декабрь куни шифокорлар бразилияликда оёғида қон қуйилиши (тромб) аниқлашган. Бутун тана бўйича ўтказилган МРТ эса унинг юраги тўғри ишламаётганини кўрсатди. Роберто Карлос операция учун шифохонага ётқизилган бўлиб, мураккаблик туфайли операция режалаштирилган 40 дақиқа ўрнига 3 соат давом этди.
Роберто Карлос «Реал» сафида 1996–2007 йилларда ўйнаган. Мадрид клуби билан у тўрт марта Испания чемпиони, шунингдек, уч марта Чемпионлар Лигаси ғолиби бўлган. Бразилия терма жамоаси билан эса 2002 йилда жаҳон чемпиони бўлган.
