Ришарлисон ҳали ҳам “Тоттенхэм”ни тарк этиши мумкин
“Тоттенхэм” ҳужумчиси Ришарлисон ёзги трансфер ойнаси якунланганига қарамай, Лондон клубини тарк этиши мумкин. Бразилиялик футболчининг “Васко да Гама”га ўтиши амалга ошмади, бироқ унга бошқа клублардан ҳам қизиқиш мавжуд.
Ҳозирда Португалия ва Саудия Арабистонида трансфер ойнаси ҳали ёпилмаган. Шу сабаб Ришарлисоннинг ушбу мамлакатлардан биридаги клубга ўтиш эҳтимоли сақланиб қолмоқда. Ҳозирча аниқ таклиф ёки келишув ҳақида маълумот йўқ.
29 ёшли ҳужумчи жорий Премьер-лига мавсумида атиги 1 та учрашувда майдонга тушди ва самарали ҳаракат қайд этмади. Шундан сўнг у “Тоттенхэм”нинг Премьер-лига учун 25 футболчидан иборат қайдномасига киритилмади.
Маълумот учун, Ришарлисоннинг “Тоттенхэм” билан амалдаги шартномаси 2027-йил ёзида якунига етади. Бразилиялик футболчи Лондон клубига 2022-йилда “Эвертон”дан келиб қўшилган.
