Рэшфорд «Манчестер Юнайтед»да қолади
«Манчестер Юнайтед» ҳужумчиси Маркус Рэшфорд ўтган мавсумни ижара асосида «Барселона»да ўтказган бўлса-да, жамоада қолмайди. Бу ҳақда Sport.es хабар берди.
Манбага кўра, Рэшфорд «Барселона»дан бироз ранжиган. Сабаби, у каталонияликлар уни ўз сафида сақлаб қолиш учун узоқроқ курашади, деб ўйлаган. Англиялик футболчи ҳатто жамоада қолиш учун маошини камайтиришга ҳам тайёр бўлган.
Хабар қилинишича, Рэшфорд энди «Манчестер Юнайтед» билан мавсумолди йиғинида иштирок этади. Жамоа бош мураббийи Майкл Кэррик унга ишонч билдирмоқда ва футболчини ўз режаларига киритган.
Шу билан бирга, Маркус Европанинг етакчи клубларидан бири таклиф билан чиқса, «қизил иблислар»ни тарк этишга тайёр. Бироқ ҳужумчи Саудия Арабистони чемпионатига кўчиб ўтиш вариантини умуман кўриб чиқмаяпти.
