Reshford «Manchester Yunayted»da qoladi
"Manchester Yunayted" hujumchisi Markus Reshford o'tgan mavsumni ijarada "Barselona"da o'tkazgan bo'lsa-da, jamoada qolmaydi. Bu haqda Sport.es xabar berdi.
Manbaga ko'ra, Reshford "Barselona"dan biroz ranjigan. Sababi, u kataloniyaliklar uni o'z safida saqlab qolish uchun uzoqroq kurashadi, deb o'ylagan. Angliyalik futbolchi hattoki jamoada qolish uchun maoshini kamaytirishga ham tayyor bo'lgan.
Xabar qilinishicha, Reshford endi "Manchester Yunayted" bilan mavsumoldi yig'inida ishtirok etadi. Jamoa bosh murabbiyi Maykl Carrick unga ishonch bildirmoqda va futbolchini o'z rejalarga kiritgan.
Shu bilan birga, Markus Yevropaning yetakchi klublaridan biri taklif bilan chiqqanda, "qizil iblislar"ni tark etishga tayyor. Biroq hujumchi Saudiya Arabistoni chempionatiga ko'chib o'tish variantini umuman ko'rib chiqmayapti.
