Решфорд: «Биринчи марта Манчестердан узоқда яшаяпман, аммо аллақачон бу ерни ўзим учун уйдек ҳис қила бошладим»
«Барселона» ҳужумчиси Испаниядаги ҳаёти ҳақида гапирди.
ФОТО: Getty Images
«Барселона» ҳужумчиси Маркус Решфорд Манчестердан ташқарисидаги ҳаёти ҳақида фикр билдирди.
«Мен биринчи марта Манчестердан узоқда яшаяпман, аммо аллақачон бу ерни ўзим учун уйдек ҳис қила бошладим. Испан тилини яхшироқ ўрганишни хоҳлайман ва бунинг устида ишлаяпман», — дея Решфорднинг сўзларини келтиради Mundo Deportivo.
Жорий мавсумда инглиз футболчиси «Барселона» таркибида барча мусобақаларда 21 та учрашувда майдонга тушиб, 6 та гол урди ва 11 та голли узатмани амалга оширди.
Решфорднинг «Манчестер Юнайтед» билан амалдаги шартномаси 2028 йил ёзигача мўлжалланган. Transfermarkt порталига кўра, футболчининг бозор қиймати 40 млн еврони ташкил этади.
Насрулло Каримов
Журналист