«Ренн» бош мураббийи истеъфога чиқарилди
Клуб 21 турдан кейин 31 очко жамғарган ҳолда 6-ўринни эгаллаб турибди.
ФОТО: Getty images
“Ренн” клуби бош мураббий Хабиб Бейе ва унинг ёрдамчилари ўз вазифасидан четлатилганини эълон қилди.
Клубнинг маълум қилишича, якуний қарор қабул қилингунга қадар жамоа машғулотларига Себастьен Тамбуре, Пьер-Александр Лелевр ва Максим Ле Маршан раҳбарлик қилади.
Маълумот учун, «Ренн» барча мусобақалардаги охирги 4 та ўйинда умумий 1:12 ҳисобида мағлубиятга учради. Лига 1 турнир жадвалида клуб 21 турдан кейин 31 очко жамғарган ҳолда 6-ўринни эгаллаб турибди.
