\"Рейнжерс\" янги бош мураббий излашда давом этмоқда
Бир неча мутахассислар билан олиб борилган музокаралар муваффақиятсиз якунланган
Фото: Getty Images
Шотландиянинг “Рейнжерс” клуби янги бош мураббий излашда давом этмоқда, дея хабар беради Sky Sports.
Манбага кўра, клуб собиқ мураббий Стивен Жеррардни ортга қайтаришга уринишлари муваффақиятсиз якун топди. Натижада глазголиклар бор эътиборини бошқа номзодларга қаратган.
Номзодлари қаторида Рассел Мартин ҳам бор. 39 ёшли мутахассис “Саутгемптон”ни бошқарганидан бери ишсиз қолмоқда. Шунингдек, Давида Анчелотти варианти ҳам кўриб чиқилмоқда.
“Рейнжерс” клуби Барри Фергюсон била мавсумни якунлади. Клуб 17 очко билан турнир жадвалида 2-ўринни эгаллади.
Розикжон Султонмуродов
Журналист