«Реймс» жароҳати сабаб ЖЧ-2026ни ўтказиб юборадиган Экитикени қўллаб-қувватлади
«Реймс» клуби Чемпионлар Лигаси чорак финали доирасида «ПСЖ»га қарши кечган жавоб учрашувида (0:2) жароҳат олган «Ливерпул» ҳужумчиси Уго Экитикени қўллаб-қувватлади.
«Сен бор тезлиғингда Жаҳон чемпионати сари интилаётган эдинг, сени фақат жароҳат тўхтата олиши мумкин эди... Сен янада кучли бўлиб қайтасан, Уго, тезроқ соғайиб кет!» — дейилади «Реймс» матбуот хизмати хабарда.
23 ёшли француз футболчиси «Реймс» академияси тарбияланувчиси ҳисобланади.
Олинган жароҳат сабабли Экитике ЖЧ-2026ни ўтказиб юборади. Маълум қилинишича, футболчи жароҳати туфайли бир йилга яқин муддатга сафдан чиққан бўлиши мумкин.
Уго Экитике Франция терма жамоасидаги дебютини 2025 йил 5 сентябрда ўтказган эди. У миллий жамоа сафида 8 та ўйинда майдонга тушиб, 2 та гол уришга муваффақ бўлган.
