«Reyms» jarohati sabab JCh-2026ni o‘tkazib yuboradigan Ekitikeni qoʻllab-quvvatladi
«Reyms» klubi Chempionlar Ligasi chorak finali doirasida «PSJ»ga qarshi kechgan javob uchrashuvida (0:2) jarohat olgan «Liverpul» hujumchisi Ugo Ekitikeni qo‘llab-quvvatladi.
«Sen bor tezligingda Jahon chempionati sari intilayotgan eding, seni faqat jarohat to‘xtata olishi mumkin edi... Sen yanada kuchli bo‘lib qaytasan, Ugo, tezroq sog‘ayib ket!» — deyiladi «Reyms» matbuot xizmati xabarida.
23 yoshli fransiyalik futbolchi «Reyms» akademiyasi tarbiyalanuvchisi hisoblanadi.
Olingan jarohat sababli Ekitike JCh-2026ni o‘tkazib yuboradi. Ma’lum qilinishicha, futbolchi jarohati tufayli bir yilga yaqin muddatga safdan chiqqan bo‘lishi mumkin.
Ugo Ekitike Fransiya terma jamoasidagi debyutini 2025 yil 5 sentabrda o‘tkazgan edi. U milliy jamoa safida 8 ta o‘yinda maydonga tushib, 2 ta gol urishga muvaffaq bo‘lgan.
