Red Bull компанияси Клопп билан шартномани бекор қилиши мумкин
Red Bull компанияси футбол департаменти раҳбари лавозимида фаолият юритаётган Юрген Клоппнинг иш натижаларидан қониқмаяпти.
Bild нашри хабар беришича, яқин орада томонлар ҳамкорликни давом эттирмаслик бўйича учрашишади.
Эслатиб ўтамиз, Клоппнинг зиммасига Red Bull тизимидаги клубларни (“Лейпциг”, “Брагатиньо”, “Нью-Йорк” ва бошқалар) ривожлантириш ва совринлар сари етаклаш вазифаси юклатилган эди.
Бироқ жамоаларнинг ҳозирги натижалари, хусусан, “Лейпциг”нинг Германия Бундеслигасида 5-ўринда бораётгани раҳбариятни қониқтирмаяпти.
Red Bull раҳбарияти Клоппнинг 2026 йилнинг ёзида мураббийликка қайтишига тўсқинлик қилмоқчи эмас. Агар Клопп вазифасидан озод этилса, ўрнига асосий номзод сифатида “Кристал Пэлас”ни бошқараётган Оливер Гласнер кўрилмоқда. У илгари “Зальцбург”да ишлаган.
Маълумот учун, Клоппнинг компания билан шартномаси 2029 йилга қадар мўлжалланган.
