Red Bull kompaniyasi Klopp bilan shartnomani bekor qilishi mumkin
Red Bull kompaniyasi futbol departamenti rahbari lavozimida faoliyat yuritayotgan Yurgen Kloppning ish natijalaridan qoniqmayapti.
Bild nashri xabar berishicha, yaqin orada tomonlar hamkorlikni davom ettirmaslik bo’yicha uchrashishadi.
Eslatib o’tamiz, Kloppning zimmasiga Red Bull tizimidagi klublarni (“Leypsig”, “Bragantino”, “Nyu-York” va boshqalar) rivojlantirish va sovrinlar sari yetaklash vazifasi yuklatilgan edi.
Biroq jamoalarning hozirgi natijalari, xususan, “Leypsig”ning Germaniya Bundesligasida 5-o‘rinda borayotgani rahbariyatni qoniqtirmayapti.
Red Bull rahbariyati Kloppning 2026-yilning yozida murabbiylikka qaytishiga to‘sqinlik qilmoqchi emas. Agar Klopp vazifasidan ozod etilsa, o’rniga asosiy nomzod sifatida “Kristal Pelas”ni boshqarayotgan Oliver Glasner ko’rilmoqda. U ilgari “Zalsburg”da ishlagan.
Ma’lumot uchun, Kloppning kompaniya bilan shartnomasi 2029-yilga qadar mo‘ljallangan.
