Ребров Украина бош мураббийлигидан кетди

Украина терма жамоаси бош мураббийи Сергей Ребров ўз лавозимини тарк этди. Бу ҳақда Украина футбол ассоциацияси матбуот хизмати расман маълум қилди.

У 2023 йилдан бери миллий терма жамоани бошқариб келаётган эди. Унинг қўл остида «сариқ-кўклар» Евро-2024 мусобақасига йўлланма олишган, бироқ гуруҳ босқичидан ўта олишмаганди.

Украина терма жамоасининг Шимолий Америкада бўлиб ўтадиган ЖЧ-2026 мусобақасига чиқа олмагани мутахассис билан хайрлашишга асосий сабаб бўлди.

Ҳозирча мамлакат футбол ассоциацияси янги бош мураббий номзоди борасида расмий маълумот берганича йўқ.

Розикжон Султонмуродов

Журналист